វត្តមាន​លើ​ទឹក​ដី​អង្គរ របស់​តារា​​ពិភពលោក​រូប​ណា ធ្វើ​ឲ្យ​ប្រិយមិត្ត​រំភើប​ចិត្ត​ជាង​គេ?

វត្តមាន​លើ​ទឹក​ដី​អង្គរ របស់​តារា​​ពិភពលោក​រូប​ណា ធ្វើ​ឲ្យ​ប្រិយមិត្ត​រំភើប​ចិត្ត​ជាង​គេ?

15 Jun, 2015 15:23

វត្តមាន ​របស់​អតីត​កំពូល​កីឡាករ​បាល់ទាត់ David Bechkam នៅ​ប្រាសាទ​អង្គរវត្ត​ បាន​ធ្វើ​ឲ្យ​យុវជន​ខ្មែរ​ជា​ច្រើន​បង្ហាញ​សេចក្ដី​រំភើប​ពេញ​បណ្ដាញ​ Facebook។ ទោះ​យ៉ាង​ណា​កន្លង​មក​ក៏​មាន​តារា​ល្បី​ៗ​ជា​ច្រើន​ទៀត​ដែរ ដែល​ធ្លាប់​មក​ដល់​ទឹកដី​អង្គរ​យើង​ដូច​គ្នា។ បុគ្គល​ល្បី​ៗ​ដូច​ជាជំទាវ​ទី​មួយ Michelle Obama និង ស្ថាបនិក​បណ្ដាញ​សង្គម​ Facebook Mark Zuckerburg ក៏​ធ្លាប់​ធ្វើ​ដំណើរ​ទស្សនកិច្ច​នៅ​ប្រាសាទ​អង្គរ​វត្ត​ដែរ។ ទស្សនា​ខាង​ក្រោម​នេះ ហើយ​ចូលរួម​បោះ​ឆ្នោត​ទាំង​អស់​គ្នា ថា​តើ​វត្តមាន​របស់​តារា​រូប​ណា​ដែល​ធ្វើ​ឲ្យ​ប្រិយមិត្ត​សប្បាយ​ចិត្ត​ជាង​ គេ?

១. David Beckham

អតីត​កីឡាករ​បាល់ទាត់ និង​តារា​ម៉ូដែល​អង់គ្លេស David Beckham បាន​មក​លេង​​កម្ពុជា​ស្ងាត់​ៗ និង​បាន​បង្ហោះ​​រូប​ថត​មុខ​ប្រាសាទ​អង្គរវត្ត​មួយ​សន្លឹក​ កាល​ពី​ថ្ងៃ​ទី​១៤ ខែមិថុនា។

 

២. Beyonce និង Jay-Z

តារា​ចម្រៀង​អាមេរិក Beyonce និង​ស្វាមី Jay Z បាន​មក​ធ្វើ​ដំណើរ​កម្សាន្ត​ស្ងាត់​ៗ នៅ​តំបន់​ប្រាសាទ​អង្គរ កាល​ពី​ដើម​ខែ​មករា ឆ្នាំ​២០១៥។

៣. Elvin Ng
តារា​សម្ដែង​សិង្ហបុរី Elvin Ng បាន​មក​​ថត​ភាពយន្ត “ដំរី​មរកត” នៅ​ខេត្ត​សៀមរាប កាល​ពី​ខែ​មិថុនា ឆ្នាំ​២០១៤។

៤. ក្រុម​តារា​សម្ដែង​ “Iris 2”
តារា​សម្ដែង​កូរ៉េ Lee Bum Soo, Im Soo Hyang, និង​សមាជិក​ក្រុម Beast Yoon Doojoon បាន​មក​ថត​រឿង​ភាគ “Iris 2” នៅ​ប្រាសាទ​អង្គរវត្ត កាល​ពី​ខែ​ធ្នូ ឆ្នាំ​២០១២។

៥. Marian Rivera និង Dingdong Dantes
តារា​សម្ដែង​ហ្វីលីពីន Marian Rivera និង​ស្វាមី Dingdong Dantes បាន​មក​លេង​ប្រាសាទ​អង្គរវត្ត​ កាល​ពី​ ឆ្នាំ​២០១២។

៦. SHINee
ក្រុម​ចម្រៀង​កូរ៉េ​ខាង​ត្បូង SHINee បាន​មក​ថត​ឈុត​ពាណិជ្ជកម្ម​សម្រាប់​កម្មវិធី “One Fine Day” នៅ​​ប្រាសាទ​ជា​ច្រើន​នៅ​ខេត្ត​សៀមរាប កាល​ពី​ឆ្នាំ​២០១០។

៧. Rain
តារា​ចម្រៀង​កូរ៉េ Rain បាន​មក​ថត​ពាណិជ្ជកម្ម​កាមេរ៉ា Nikon នៅ​ប្រាសាទ​បាយ័ន កាល​ពី​ឆ្នាំ​២០០៨។

៨. Angelina Jolie

តារា​សម្ដែង​សញ្ជាតិ​អាមេរិក-កម្ពុជា Angelina Jolie បាន​មក​ថត​រឿង “Lara Croft: Tomb Raider” នៅ​ប្រាសាទ​តាព្រហ្ម​ កាល​ពី​ឆ្នាំ​២០០០។